ترى التلاحم الأُسري مو بس بشهر رمضان ،،، 

نقعد كلنا على سفره وحده الجد ، الابو ، الام ، العيال ، الچناين ، النسايب ، كلهم متيمعين مع بعض ،،، 

منظر كأنه لوحه مرسومه ،،، 

الله الله على لمت الاهل بشهر رمضان 

 ،،ثلاثين يوم مع بعض 

بنفس المكان ونفس الويوه 

وبس يخلص شهر رمضان  تدخل عادات غريبه على بعض الأُسر  ،،، 

الي طالع من الصبح لليل والي رايح الشاليه ويرد بعد جم يوم ، والي طالب اكل رجيم ومايبي يقعد مع اهله يخاف يخرب رجيمه ، والي ماله خلق ، والي كله مع ربعه ،،،الخ 

ياليت كل ايام السنه نفس شهر رمضان بيمعت الاهل مع بعض ،،،،

ترى الاسره كيان جميل في كل تفاصيله ،، كلمه مني ضحكه مني تعليق مني شي حلو ،،،،

اترجاكم اذا عندكم اسره كل اركانها متواجدين  لا تبتعدون عنها والسبب الظروف لالا اسرتك هي مملكتك هي كيانك لا تبعد عنها دير بالك عليها مثل اسرتك ماراح تلاقي ديروا بالكم على بعضكم البعض 

انس قطينه